كتب/مي مجدي

خلال حلولها ضيفةً على بودكاست “فايق ورايق” الذي يقدّمه الإعلامي إبراهيم فايق، كشفت الفنانة بدرية طلبة عن تفاصيل خضوعها لعمليات التجميل، وأن أكثر شيء يسعدها هو شراء الذهب.

وقالت بدرية طلبة البنات كلهم بقوا شبه بعض، أنا بشفتر آه بس بشفتر بالغالي، أصل أنا معنديش شفايف، أنا عاملة شفايف على إيدي، أنا معنديش اللي هو شرطة، عارف فتحة الموس، ونفسي أحط روج زي بقية الناس والروج يبان، رحت للدكتورة، قلت لها عايزة شفايف، مناخيري تمام حلوة، كل حاجة فيّ تمام”.
وأضافت عملت بوتوكس عشان الخطوط، أنا عندي 56 سنة ده أنا مكرمشة كرمشات ما يعلم بيها إلا ربنا، بس عملت حاجة غبية أوي في نفسي، عملت دعاية وريفيوهات لعيادات التجميل، بيطلبوني تعالي ونعمل كذا وأنا أروح وأعمل، فجأة لقيت وشي شبه الكورة لقيت نفسي في التلفزيون شبه القلقاسة… وشّي بقى قلقاسة وعندي عين اتفتحت وعين اتقفلت .

واختتمت بدرية طلبة حديثها بالقول: لما بنزل أتسوّق، خصوصاً وأنا بشتري الدهب، لا بسأل الغرام بكم ولا المصنّعية، أنا عيني بتروح على الحاجة، هات دي، بكم؟ اتفضّل، معنديش مشكلة، وعينيا بتروح للحاجات المختلفة، لازم تلفت النظر، إيه اللي لابساه دا؟ ودا بيسعدني جداً. أنا بحب دايماً أشتري ذهب مهما كان سعره، الفلوس حلوة بتعمل شفايف، أنا عاملة فيلر في شفايفي، عشان الأول كان نفسي أحط روج زي باقي الناس ويبان .